今晚西班牙盃4强次回合，「小蝙蝠」利云特主场再斗毕尔包。首回合双方各一言和，利云特揸住1个作客入球，今仗一定稳阵行先，毕尔包近况回落，就算焗攻想入波都唔易，2.5球嘅入球细乃明智之选。
讲到西甲硬净球队，利云特绝对係其中之一，各项赛事近14场，只係输过1场咁大把，其中两斗榜首马体会更取得1胜1和，认真唔讲得笑，而且首回合造访毕尔包，亦打和1比1，抢到1个作客入波，意味今仗打和0比0，亦可凭较多作客入球进身决赛，睇番「小蝙蝠」近3次主场出击只失3粒，而且全开2球或以下，睇得出佢哋攻力唔强但守得两嘴。
毕尔包射手死火 季中勇夺西超盃嘅毕尔包，近期有回落迹象，各项赛事近6仗只得1胜5和，5仗和波全开2球或以下，算几硬净。虽然今仗佢哋唔能够坐以待毙，至少要争取1个入波，不过箭头伊拿基威廉斯近7仗只入1粒，要攻破利云特嘅严密防线，绝非易事。
翻查纪录，两军近3次交手全开2球或以下，包括利云特日前喺联赛打和1比1，今仗佢哋继续主场出击，加上有作客入球优势，预计会照办煮碗唔会乱攻，2.5球嘅入球细更可取。
标签： 利云特 毕尔包 作客入球 西甲 硬净 25球